Do 14 ao 16 de xullo desenvólvese a segunda edición do curso de verán que promoven Reporteros Sin Fronteras e UNED en Pontevedra. Nesta ocasión tratarase como afrontan os medios a crise que afecta ao ámbito internacional, particularmente ao mundo da comunicación e os perigos para a liberdade de información.
Neste curso tratarase de dar resposta a como afecta esta situación á actividade dos xornalistas ou se os cambios son culturais ou radicais no exercicio do xornalismo.

Pulse aquí para consultar o programa e información.

A FAPE asinou un acordo cos editores de medios europeos para impedir a destrución e a precarización do emprego xornalístico, no marco do Encontro de Medios Europeos celebrado en Madrid. Neste encontro naceu a Declaración de Madrid, un acordo no que a Federación fixo valer compromisos para o pleno respecto dos dereitos dos xornalistas.

Na Declaración recóllese o compromiso dos asinantes co emprego xornalístico. Os editores tamén se comprometeron a promover estándares na autoregulación da publicidade.  Tamén se recollen aspiracións referentes á formación para profesionais dos medios  e a protección dos dereitos de propiedade intelectual.

[Pulsa para ler o resto da noticia]

A empresa de campamentos de idiomas e actividades Tatanka Camps ofrece un desconto do 15% nos prezos para fillos e fillas de membros da FAPE, nos dous turnos de que organiza no Parque Natural de Despeñaperros, Jaén, do 27 de xuño ao 10 de xullo e do 11 ao 24 de xullo. Máis información nos teléfonos 914025151 e 676047493, no correo electrónico info@tatankacamp.es e na web www.tatankacamp.es.

A Asociación da Prensa de Alicante organiza unha viaxe de vacacións en cruceiro polas illas gregas, pasando por Venecia e Dubrovnik, en réxime de todo incluído e con excursións diarias tamén incluídas. A Asociación ofrece a participación nesta viaxe a calquera membro de FAPE. Para máis información, a persoa de contacto é Lucía Crespo no teléfono 965 21 20 86 ou no correo electrónico: luciacrespo@infopress.es. Máis datos na páxina web: www.asociacionprensaalicante.com.

Pulse aquí para consultar a proposta de viaxe.

A FAPE condena o ataque do exercito israelí contra a Flotilla la Libertad, na que viaxaban máis de cen xornalistas de distintas nacionalidade. Deste xeito expresa a súa repulsa pola actuación das forzas de seguridade israelíes que atacaron, detiveron e mantiveron incomunicados aos informadores que ían en axuda humanitaria con destino a Gaza. A Federación lémbralle tamén ás autoridades israelíes que os Convenios de Xenebra obrigan a protexer aos xornalistas cando realizan o seu traballo en zonas de conflito armado.

A través da reserva de establecementos hoteleiros con Hotelopia, asociados e asociadas, familiares e amigos poden acadar vantaxes na reserva das vacacións de verán en más de 35.000 hoteis en 2.500 destinos, grazas ao convenio asinado coa FAPE. As reservas deben realizarse a través de http://fape.hotelopiaclub.com e nos teléfonos 902 430 419.

Máis información e contacto no enderezo headoffice@hotelopia.com e na canle Servicios, apartado Paradores, Hoteles e Balnearios, subapartado Internet da web de FAPE www.fape.es.

  
Foto: FAPE

A Federación da Asociacións de Periodistas de España (FAPE) renovou a súa Xunta directiva o pasado 29 de maio de 2010 durante a celebración da Asemblea anual da FAPE no Palacio de Congresos de Cádiz.

Elsa González tomou o relevo na presidencia da Federación, na única candidatura presentada para a renovación da Xunta directiva.  Os cargos de vicepresidencia están ocupados por Nemesio Rodríguez, María del Camino Ibarz e Aurelio Martín. Como secretario xeral continúa Carlos Sanz Entablés, mentres que no posto de vicesecretario está Alfonso Sánchez e no de tesourería María Jesús Chao. Os postos de vogais están representados por Joaquín Clemente, Lidia Sánchez Yanel, Antonia María Chas, e María Ángeles Samperio.

[Pulsa para ler o resto da noticia]

A Asociación Vasca de Periodistas renovou a súa Xunta directiva, co segundo mandato consecutivo da presidenta Lucía Martínez Odriozola. O resto dos membros da nova xunta son os seguintes: Amaia Goikoetxea Marqués, vicepresidenta; Verónica Portell Torres, secretaria xeral; Aitor González Moriyón, tesoureiro; e Arantza Lezamiz Arostegi, Charo Adeliño Ortega, Nicolás del Val Arregui, Juanma Gutiérrez Castillo, Carmen Larrakoetxea Orue, Jorge Ibeas Revilla e Jöel López Astorkiza como vogais.

A Asociación de Periodistas de Santiago manifesta as súas condolencias polo pasamento do xornalista Juanjo Gallo, responsable desde hai uns vinte anos do gabinete de prensa da Deputación Provincial da Coruña. Nesta cidade desenvolveu a súa carreira profesional, primeiro en El Ideal Gallego, posteriormente en La Voz de Galicia e finalmente na Deputación Provincial.

No nome da Xunta Directiva  e de todos os seus socios, a Asociación de Periodistas de Santiago de Compostela (APSC) enviou o seu pésame á Asociación de Prensa da Coruña, á que pertencía desde 1985, así como a familia do falecido.

Esta edición premia con 6.000 euros aquel traballo que debe estar composto por un mínimo de 40 fotografías e un máximo de 100, de temática libre. Os traballos poden ser en branco e negro ou en cor e a data límite de admisión é o 15 de xuño de 2010. Este certame enmárcase no 14º Encontro Internacional de Periodismo “Ciudad de Gijón” 2010 que tamén integra un Taller de Periodismo e máis a convocatoria de bolsas para a súa realización.

Para máis información, pulse aquí e acceda ao documento.

Máis información sobre o premio, o taller e as bolsas na dirección: http://www.fotoyperiodismogijon.com/premio-2010/