O concello de Arteixo convoca a décima edición deste certame que este ano leva por tema “Muller e deporte”. Poden participar todas as persoas que o desexen cun artigo de opinión inédito, único e orixinal escrito en galego. O prazo de presentacion de orixinais remata o 31 de xaneiro de 2012. A persoa gañadora recibirá 600 euros e mais a publicación do seu artigo en varios xornais galegos.
A Asociación de Periodistas de Santiago de Compostela grazas a colaboración do xornalista e escritor Raimundo García, fillo do ilustre xornalista e director de “La Noche” Raimundo García Dominguez (Borobó), quere dar a coñecer dúas cartas inéditas, dirixidas precisamente ao seu fillo xornalista, no ano 1978, e nas que fala da vocación xornalística. Polo seu interese e mesmo a súa vixencia, na APSC decidimos difundilas tamén como un tributo máis ás ensinanzas que nos legou o que foi gran mestre de xornalistas galegos e a quen a APSC ten contribuído a honrar a súa memoria, vida e obra co Premio Borobó, de xornalismo de opinión.
Un nutrido grupo de socios da APSC (Asociación de Periodistas de Santiago de Compostela) reuníronse o día 21 de decembro para celebrar a súa asemblea anual no auditorio do hostal dos Reis Católicos, onde posteriormente tiveron un ágape navideño. Os xornalistas de Compostela repasaron as actividades do ano transcorrido destacando a crise pola que está a atravesar a profesión cunha alta taxa de paro e unha degradación constante da calidade da información. A APSC, que preside Luís Menéndez, impulsou durante 2011 varias iniciativas a nivel local, nacional e internacional, como a coñecida campaña contra as rodas de prensa sen preguntas, que será presentada proximamente no consello de Europa, en Estrasburgo. Tamén se porá en marcha un curso de formación para mulleres xornalistas especializado en información de xénero.
A Asociación de Periodistas de Santiago convida a socias e socios e acompañantes ao cóctel de fin de ano que terá lugar no Hostal dos Reis Católicos o 21 de decembro de 2011, a partir das 20:30 h, a continuación da Asemblea Xeral da APSC. Prégase que os asistentes confirmen asistencia no enderezo apsantiagoc@hotmail.com
A Asociación de Periodistas de Santiago de Compostela (APSC) lamenta e rexeita de modo contundente as declaracións vertidas polo director do diario ABC, Bieito Rubido, quen dixo textualmente: “Sobran a metade dos periódicos, das emisoras de radio, das canles de televisión, e tamén a metade dos periodistas», pedindo ademais o peche das facultades de Ciencias da Información e de Comunicación.
A APSC considera estas declaracións irresponsables e totalmente inoportunas en momentos en que a profesión periodística, e mesmo o sentido social e democrático do xornalismo, está a atravesar unha grave crise que non só ten explicación por causas económicas.
A precariedade laboral, o intrusismo, a manipulación informativa e as presións políticas, económicas, e de todo tipo están a condicionar de xeito moi negativo e crecente a información e a liberdade de expresión en España e de modo especial en Galicia. Polo tanto na APSC cremos necesarios os centros universitarios de formación de periodistas, centros dos que o periodista non só saia cos axeitados coñecementos para o desempeño responsable da súa importante profesión, senón cunha rigorosa conciencia ética do que supón facer información e exercer o periodismo.
A Agrupación de Mulleres Xornalistas da Asociación de Periodistas de Santiago fai un chamamento ós medios de comunicación sobre a responsabilidade que se lles outorga na transmisión de violencia contra as mulleres, cando se celebra o Día Internacional contra a Violencia de Xénero.
Estudos recentes, coma o presentado hoxe pola Federación de Mulleres Progresistas, revelan que a xente moza sigue asociando certas actitudes como propia dos homes a agresividade, mentres que consideran esperable que as mulleres desenvolvan actitudes de entrega aos demais. Tales crenzas, tiradas de respostas do alumnado de institutos, extrapolables a toda España, son para os expertos un claro indicio de “actitudes temperás” de posibles situacións de maltrato.
Os medios de comunicación seguen cualificando nalgunhas ocasión de “suceso” as mortes de mulleres a mans das súas parellas ou ex parellas, cando se sabe que son violencia de xénero. Noutros casos os medios de comunicación non seguen as pautas aprobadas polas asociacións profesionais canto ó tratamento deste tipo de noticias.
El BREG (Broadcasting European Expert Group), grupo de expertos para el sector audiovisual de la EFJ (Federación Europea de Periodistas) decidió incluir al periodista español Luís Menéndez en su comité directivo, como representante internacional de la Federación de Asociaciones de Periodistas de España (FAPE). Menéndez es, a su vez, presidente de la Asociación de Periodistas de Santiago de Compostela y periodista de la Televisión de Galicia desde sus inicios. Los trabajos del BREG, organismo que preside el prestigioso periodista británico de la BBC y del Nottingham Post, John Barsby, están dirigidos a la supervisión de los derechos de los periodistas del audiovisual europeo así como a la defensa de los principios éticos y de la libertad de información. En este sentido fueron de gran relevancia los informes elaborados este mismo año 2011 sobre la crítica situación en el Reino Unido, especialmente con los recientes despidos en BBC World, los drásticos recortes en la televisión pública de Grecia (ERT), la protección a los periodistas perseguidos en Hungría o los decisivos acuerdos alcanzados entre patronos y sindicatos para las televisiones francesas. El comité directivo del BREG está integrado por 12 periodistas de otros tantos países europeos.
O director de cine e prestixioso xornalista grego Nikos Megrelis presentará por vez primeira en España o seu documental Shooting vs Shooting no marco do Festival Euro-Árabe Amal, organizado pola Fundación Araguaney, de Santiago de Compostela o xoves 27 de outubro, ás 20.00 h horas no Teatro Principal. O documental, que ten por lema Dying for the truth (Morrendo pola verdade) é unha intensa reportaxe sobre o conflicto mundial no que morreron máis xornalistas desde a II Guerra Mundial: a Guerra de Iraq, onde 350 xornalistas e traballadores dos medios de 10 diferentes países perderon a vida en Iraq no transcurso do seu traballo de informadores.
Megrelis, ao longo de 70 entrevistas, relatou no seu traballo numerosos casos nos que os xornalistas foron vítimas da barbarie bélica, tanto no chamado bando occidental coma no iraquí. Especialmente subliñable foi o caso da morte do reporteiro gráfico galego Xosé Couso, quen faleceu nun ataque contra do hotel onde se hospedaba feito desde un tanque norteamericano. Familiares directos de Xosé Couso, como a nai, irmáns e tíos, asistiron á proxección do filme. Megrelis entrevistou os familiares e amigos afectados polas desaparicións dos xornalistas en Iraq, como a propia nai de Couso, Maribel Permuy, ou o seu compañeiro Jon Sistiaga.
Coas recentes imaxes da morte de Gadafi, os cambios seguen imparables no mundo árabe. Así o manifestou Younes M´Jahed, Vicepresidente da Federación Internacional de Periodistas (IFJ) na conferencia organizada onte pola Asociación de Periodistas de Santiago, a Fundación Araguaney e a Fundación Carlos Casares.
Younes M’Jahed, que ademais de profesor universitario é presidente do Sindicato Nacional da Prensa Marroquí e vicepresidente da Comisión de Liberdades da Unión Árabe de Periodistas destacou o papel da Internet para a coordinación dos movementos na sociedades, principalmente o das redes sociais como instrumento para mobilizar os mozos. Da mesma maneira, sinalou que a rede pode axudar moito, pero por si soa non resolve os problemas.
Asociación de Periodistas de Santiago de Compostela - Se tés algunha suxerencia, avísanos en apsantiagoc@hotmail.com
Os contidos están baixo licenza Creative Commons 3.0salvo que se indique o contrario
Páxina web realizada con Wordpress.
