CARNÉ DE FAPE: carné gratuíto que concede o Rexistro Profesional de Periodistas ao inscribirse na FAPE a través dunha das asociacións federadas, como a APSC. Acredita o/a titular a nivel nacional e permítelle acceder a todos os beneficios, convenios e servizos da Federación e da Asociación.
INTERNATIONAL PRESS CARD: carné internacional que concede a International Federation of Journalists (IFJ). Acredita o/a titular como xornalista a nivel internacional facilitándolle o desempeño do seu labor en todo o mundo.
Tramítase a través da APSC e para obtelo é necesario estar en posesión do carné de xornalista.
Guía de servizos
Todos os socios da APSC teñen dereito a unha serie de servizos e condicións preferencias en múltiples empresas e organismos.
Asesoría xurídica. Os socios e socias teñen acceso a unha asesoría xurídica especializada en todo tipo de asuntos profesionais que pode ser requirida en calquera momento que o precisen.
CEDRO: asesoría sobre dereitos e obrigas de autor.
Bolsa de traballo. A APSC ofrece este servizo a todos os seus membros que estean desempregados ou desexen mellorar a súa condición laboral, así como a aquelas entidades que precisando dun periodista soliciten a publicación da oferta en cuestión entre os membros da asociación. Esta bolsa fusiónase e amplíase coa bolsa de traballo da FAPE á cal se pode acceder a través da páxina web www.fape.es
Cursos en liña e presenciais (gratuítos ou con alta porcentaxe de descontos) relacionados co xornalismo nas súas distintas modalidades (prensa escrita, dixital, etc.) ou especialidades (periodismo xurídico, médico, etc.), organizados tanto por escolas de formación coma por facultades de xornalismo.
Publicacións profesionais. Os socios e socias reciben, de xeito gratuíto, distintas publicacións con temas de interese e actualidade profesional: A revista Periodistas[fape], Cuadernos de Periodistas e outros libros e publicacións periódicas.
Condicións especiais con empresas ou organismos
Todos os socios e socias se poden beneficiar acreditándose co carné de Periodista en entidades como:
Caixa Galicia: grazas a un convenio que a APSC asinou con esta entidade, os socios e socias da APSC poden obter descontos en préstamos, hipotecas, compra de vehículos, etc.
La Caixa: os socios e socias da APSC son automaticamente membros da FEGAPE e, polo tanto, poden beneficiarse das prestacións económicas que a entidade galega asinou con esta entidade catalá.
Santander Central Hispano: convenio preferencial entre a FAPE e a entidade cántabra que lle afecta a todo tipo de operacións bancarias, ben sexan particulares ou de carácter profesional.
Ibercaja: convenio coa FAPE de colaboración financeira que recolle substanciosas vantaxes económicas (Tarxeta Aramon, Solred, seguro médico Cáser, etc.)
Hewllewt Packard. Os produtos que se adquiran a través da tenda virtual terán prezos inferiores, entre un 10% e un 40% dos ofrecidos polas canles de distribución habituais.
Autoclub Repsol. Este convenio recolle importantes servizos en viaxes, seguros, asesoría e descontos en gasolineiras do grupo.
Hoteis. Convenios coa Cadea Sol Melia, Vincci, Grupo Hoteis-gestion, Auditorium, Grupo Hotelelero AC, Hoteles Sidi Saler e Sidi San Juan, Hoteles NH, Hispano Hoteles, Hoteles Santos e Zenit Hoteles. Tamén se pode gozar dos beneficios do complexo termal Tálaso Atlantico. Esta lista increméntase e renóvase periodicamente.
Axencias de viaxes. Marsans, Viajes Iberia e ICB Travel ofrécenlles aos socios e socias vantaxes tanto en viaxes de empresa como a título persoal.
Spanair. Descontos do 25% en todas as tarifas da compañía para o titular do carné FAPE e máis un acompañante.
Air Berlin. Ata un 50% de desconto para xornalistas, e un acompañante adulto, en voos vacacionais.
RENFE. Este convenio ofrece descontos dun 35% en billetes nacionais de ida e volta en grandes liñas.
Feiras e museos. Os socios e socias teñen acceso gratuíto á Feira de Madrid e aos museos de Patrimonio Nacional: Prado, Raíña Sofía, Thyssem, etc.
Myentrada.com. Ofrece durante o verán descontos de ata un 50% para o titular, familiares e amigos do carné FAPE en máis de 50 espectáculos musicais e teatrais en Madrid e Barcelona.
Adquisición de vehículos. A maioría das firmas automobilísticas ofrécenlles importantes descontos aos socios e socias da APSC, FEGAPE e FAPE para a compra de vehículos, tal é o caso de Mercedes-Benz, Toyota, Mazda, Peugeot, Opel, SAAB, Chevrolet, etc.
Talleres e produtos para o automóbil. Confort Auto posúe máis de 500 talleres por toda España con descontos que van desde o 10% ata o 20% en produtos e servizos.
Aluguer de automóbiles no territorio nacional amplos descontos con firmas coñecidas como por exemplo AVIS e ATESA
Ópticas. En distintas clínicas e entidades oftalmolóxicas ofrécense servizos en condicións preferentes: Visiondiez, San Gabino, Cottet, Ulloa Ópticos e Multióptica.
Sanidade. Caser Salud Integral actualizou o convenio e engade como asegurados a cónxuxes e fillos, sempre que convivan co membro de FAPE.
Esta lista amplíase progresivamente en función de novos acordos e convenios que a APSC, a FEGAPE e a FAPE traten e asinen coas mesmas ou con outras entidades.
Estes descontos poden consultarse máis polo miúdo na páxina de servizos da FAPE
Actividades
A APSC participa na vida social, cultural e xornalística a través das seguintes actividades:
Citas no Casino: debates de actualidade sociocultural celebrados de xeito periódico no lendario café Casino de Santiago de Compostela.
Día do Patrón San Francisco de Sales: acto anual en honor do patrón dos xornalistas o 24 de xaneiro (reunión de xornalistas, rolda de prensa dun convidado especial, etc.)
Día Mundial da Liberdade de Prensa: acto anual en defensa da liberdade de expresión o 3 de maio (conferencia en colaboración con Reporteiros Sen Fronteiras, etc.)
Comunicados e notas de prensa redactadas e publicadas en prol ou en contra dalgún tema de actualidade cando a Xunta Directiva ou os socios e socias, coa aprobación da Xunta Directiva, o estiman oportuno; ou simplemente para facer un chamamento ou toque de atención sobre algunha materia en cuestión.
Outras reunións nas se participa activa e regularmente son:
Premio FEGAPE-Pen Club de Escritores de Galicia: colaboración entre ambas entidades para a convocatoria dun Premio de periodismo literario e acollemento dun periodista perseguido, solicitando Galicia como “terra de asilo”.
Asembleas Xerais FAPE e FEGAPE: membros da Xunta Directiva acoden cada ano en representación da APSC á Asemblea Xeral da FAPE e da FEGAPE.
Comisión de Garantías e Asuntos Profesionais: comisión que se reúne varias veces durante o ano para tratar asuntos relacionados coa ética profesional e á cal pertence un dos socios que compón a Directiva da APSC.
Premios e concursos FAPE: presenza activa nas distintas convocatorias de premios e concursos organizados pola esta entidade.
Encontros de Mulleres Xornalistas do tipo do “Encuentro de la Red Internacional de Periodistas” (16-18 de novembro de 2007), que reuniu a profesionais de ambos xéneros para analizar o rol da muller na sociedade e na profesión periodística; “Encuentro Nacional de Mujeres Periodistas” (8-9 de febreiro de 2008) organizado pola Asociación de Prensa de Granada; Xornadas internacionais “Mujeres en Red” que tiveron lugar en Sevilla o 13 de xuño de 2008; I Asemblea Nacional de Mulleres Periodistas (7-8 de novembro de 2008), organizada pola FAPE en colaboración coa AP de Cádiz e onde tiveron lugar as eleccións a representantes da asemblea.
