A APSC participa na vida social, cultural e xornalística a través das seguintes actividades
Citas no Casino: Debates de actualidade sociocultural celebrados de xeito periódico no lendario café Casino de Santiago de Compostela.
Día do Patrón San Francisco de Sales: Acto anual en honor do patrón dos xornalistas o 24 de xaneiro (reunión de xornalistas, rolda de prensa dun convidado especial, etc.)
Día Mundial da Liberdade de Prensa: Acto anual en defensa da liberdade de expresión o 3 de maio (conferencia en colaboración con Reporteiros Sen Fronteiras, etc.)
Comunicados e notas de prensa redactadas e publicadas en prol ou en contra dalgún tema de actualidade cando a Xunta Directiva ou os/as socios/as coa aprobación da Xunta Directiva, o estiman oportuno; ou simplemente para facer un chamamento ou toque de atención sobre algunha materia en cuestión.
Outras reunións nas se participa nelas activa e regularmente son:
Premio FEGAPE-Pen Club de Escritores de Galicia: Colaboración entre ambas entidades para a convocatoria dun Premio de periodismo literario e acollemento dun periodista perseguido, solicitando Galicia como “terra de asilo”.
Asembleas Xerais FAPE e FEGAPE: Membros da Xunta Directiva acoden cada ano en representación da APSC á Asemblea Xeral da FAPE e da FEGAPE
Comisión de Garantías e Asuntos Profesionais: Comisión que se reúne varias veces ó ano para tratar asuntos relacionados coa ética profesional e á cal pertence un dos socios que compón a Directiva da APSC.
Premios e concursos FAPE: Presencia activa nas distintas convocatorias de Premios e concursos organizados pola esta entidade.
Encontros de Mulleres Xornalistas do tipo do “Encuentro de la Red Internacional de Periodistas” (16-18 de novembro de 2007), que reuniu a profesionais de ambos xéneros para analizar o rol da muller na sociedade e na profesión periodística; “Encuentro Nacional de Mujeres Periodistas” (8-9 de febreiro de 2008) organizado pola Asociación de Prensa de Granada; Xornadas internacionais ‘Mujeres en Red’ que tiveron lugar en Sevilla o 13 de xuño de 2008; I Asemblea Nacional de Mulleres Periodistas (7-8 de novembro de 2008), organizada pola FAPE en colaboración coa AP de Cádiz.
